DIGI.TV

Digi.TV-региoнален проект на југоисточна Европа

Опис на проектот

Информационо-комуникациските технологии и услуги (ИКТ)се повеќе придонесуваат за развој на општеството. Согласно оваа девиза, целта на ЈИЕ Digi.TV проектот е со неговата имплментација да се забрза дигитализација на радиодифузните сервиси како и да се придонесе за поширока употреба на ИКТ услугите за широкопојасен интернет.

Со активностите на проектот ќе бидат опфатени различни засегнати страни, особено радиодифузерите и медиската индустрија , а позитивните влијанија на проектот треба да се рефлектираат и во пошироката деловна и општествена средина. Проектот ќе се справи со проблемите на дигиталниот јаз и социјалното вклучување, а со крајна цел за создавање на регионално еднакви можности.

Во фокусот на ЈИЕ Digi.TV проектот е усогласување на активностите во целиот регион на Југоисточна Европа во врска со воведувањето на дигиталните радиодифузни сервиси, при тоа ќе се придонесе за:

1. Забрзување на целокупниот процес на аналогно исклучување во регионот и понатамошен развој и примена на поефикасни технологии,
2. Унапредена хармонизација на законодавната и техничка рамка во земјите учеснички во проектот со дигитализацијата во ЕУ, при тоа да се избегне политичка, технолошка и пазарна фрагментација,
3. Развој на регионален предлог за оптимално искористување на ослободениот фреквенциски спектар за нови ИКТ широкопојасни услуги и
4. Да се осврне на управување со дигитална дивиденда.

Со спроведување на ЈИЕ Digi.TV проектот се очекува да се финализира транснационалната платформа за аналогна/дигитална конверзија како и поддршка на поврзаните процеси во целниот регион.
Земји учеснички во проектот се: Словенија, Италија, Австрија, Унгарија, Хрватска, Босна и Херцеговина, Србија, Црна Гора, Македонија и Албанија

Цели на проектот
ЈИЕ Digi.TV Проектот има за цел да се интегрираат и координираат регионалната соработка и развојот на земјите учеснички во проектот поврзан со процесот на аналогно/дигитална конверзија, како и дигитализација на радиодифузната дејност во поширока смисла.

Специфични цели на проектот се:

1. Да се минимизира дигиталниот јаз во регионот преку промоција на развојот и имплементацијата на нови интерактивни услуги преку DVB-T технолошката платформа,
2. Да се спречат можните негативни социјални и економски импликации од процесот на аналогно/дигиталната конверзија преку обезбедување на транснационални платформа базирана на трансфер на знаење и координирани активности,
3. Да се намалат законските, технолошките и административните нееднаквости во радиодифузната област преку обезбедување хармонизирана правна, техничка и економска информативна кампања,
4. Да се зголеми квалитетот и достапноста на дигитална телевизиска инфраструктура и пристапот до услугите во одредени земји на регионот,.а и да се придонесе кон брзо и ефективно извршување на аналогно/дигитална конверзија,
5. Да се намали јазот помеѓу земјите на ЕУ и земјите учеснички во проектот во областа на дигитални телевизиски преноси,
6. Усогласување на технологија и стандардите кои се применуваат за DVB-T технологијата во регионот и
7. Да се поттикне развој и имплементацијата на нови услуги за сите групи на население во регионот.

Профил на проектот
Име на проектот
Digi.TV-регоинален проект на југоисточна Европа
Партнери
Национални регулаторни тела од областа на радиодифузијата на Словенија, Италија, Австрија, Унгарија, Хрватска, Босна и Херцеговина, Србија, Црна Гора, Македонија и Албанија
Извор на финансии
Претпристапни фондови на ЕУ - ИПА
Буџет за имплементација во Р. Македонија
72.017,00 ЕУР
Период за имплементација
Јули 2011 – Април 2013
Контакт
Бул. ВМРО бр. 3
1000 Скопје
[email protected]
389 (0)2 3103 400
389 (0)2 3103 401


Повеќе...

Актуелно

ШТО Е ДИГИТАЛИЗАЦИЈА НА ТЕЛЕВИЗИЈАТА?

Дигитализацијата на телевизијата подразбира производство, пренос и прием на телевизиски програми во дигитален облик, со користење на дигитални методи на модулација и обработка на сигналот.

Актуелно

Вработување